亞洲最長壽報紙係邊一份？

提起全球最早嘅報紙相信有部分史友都知道係喺德國發行嘅《新到新聞》（Einkommende Zeitung），而如果講起亞洲最長壽報紙，史友們又知唔知係邊一份呢？

答案就係位於印度孟買、喺1821年創立嘅《孟買新聞報》（Mumbai Samachar）報喇！而喺早幾日，呢份報紙就正式慶祝創辦200週年，認真犀利！《孟買新聞報》係由帕西族學者Fardoonji Murazban創辦，成份報紙以古吉拉特語出版，最初只係一份貿易週報介紹船舶動向、孟買港口航運時間表同埋商品，喺報紙營運咗十年之後就演變成雙週報，開始介紹埋政治、商業同埋民生等議題，甚至連早年中國廣東嘅鴉片都有報導。

而喺1855年，呢份報紙就守為以日報形式發行到今日，雖然中間都因為經濟開題轉手幾次，但由1933年起就一直都係由紙張及油墨供應商Cama家族擁有。被問到對未來有咩願景，資深編輯戴夫（Nilesh Dave）就表示「還要再出版500年。」