今時今日無論係實體嘅地圖，定係網上嘅地圖，當中展示嘅資料同埋資訊都相當全面，基本望一望就知道邊度有山、邊度有海，之但古代嘅地圖又係點呢？今次阿史就同大家介紹一幅相當有意思嘅地圖。

阿史所講囓呢幅地，就係喺長沙馬王堆漢墓入面所發現，呢座長沙王利蒼及其妻子辛追嘅墓穴其實早喺1972年至1974年間就已經開始發掘，當時就已經搵到大量古器物、絲織品、竹木簡等等，而喺大批出眾嘅文物當中，其實有幾幅地圖唔太起眼，但對西代初期嘅歷史就相當重要，其中一幅正正就係《地形圖》。

地圖對每一個國家嚟講都相當重要，事關當中記錄咗政治、經濟同埋軍事嘅資訊，但大部分嘅地圖由古代到現世都已經流失曬，所以馬王堆當中嘅《地形圖》就相當珍貴。呢幅地圖係一幅正方形繪畫喺帛上嘅地圖，係我國已知第一幅繪出大海嘅地圖，由廣西全州、灌陽以東，湖南新田、廣東連縣以西，北至湖南新田，南至南海都有畫齊，當中水系表示詳細而突出、大小河流三十幾條，河流與地形關係相當清晰。

而且，《地形圖》具備現代地圖基本內容，用統一圖例表面當時居民點、道路、河流、山脈分佈情況，仲係經過量算比例約為一寸折十裡（1:180000），所以呢幅地圖真係好難得！

原圖嚟自網絡