對廣大嘅中國人民而言，當年嘅今日都係一個相當重要嘅日子，事關喺2001年7月13日，國際奧委喺莫斯科舉行大會，投票選出中國成為2008年承辦第29屆奧運嘅國家，並且以北京作為主辦城市。

當時呢個消息一傳出後，真係舉國歡騰，數以萬計嘅市民喺天安門廣場聚集通宵慶祝，香港街頭上都有唔少慶祝活動。呢次係中國歷史上第一次獲得奧運會嘅主辦權，喺7年之後嘅2008年8月8日，29屆奧林匹克運動會喺北京開幕，呢次被譽為係中國完咗百年來舉辦奧運嘅夢。

喺呢次奧運入面，中國代表隊拎到出色嘅成積，係自1984年重返奧運會以嚟最好嘅成績，一共拎到51面金牌、21面銀牌以及29面銅牌，最後以51面金牌成為金牌榜首名，係奧運歷史上首個登上金牌榜首嘅亞洲國家。

原圖嚟自網絡