由劉德華主演嘅電影《失孤》相信唔少史友都睇過，呢部由真人真事改編嘅電影本來仍然都係一個悲劇，但近排呢件事終於有一個好嘅結局喇！
《失孤》原型人物郭剛堂走遍中國24年之後，終於喺上個星期日喺山東聊城市認返自己失散多年嘅仔，河南嘅公安機關亦都成功拘捕到當年拐賣郭新振嘅兩名疑犯。據公安部介紹，呢次「團圓」行動入面，公安部係將呢宗案件列為掛牌督辦案件，專家喺案件中成功克服到兒童失蹤被拐時體貌特徵同成長之後差別較大嘅障礙，通過比對排查，最終就喺河南搵返郭新振。
唔單止咁，山東聊城公安機關仲迅速派員趕赴河南、山西等地，圍繞當年收養、拐賣情況循線追蹤。據報導，原來喺1997年兩個疑犯呼某、唐某就係喺山東旅遊期間為圖財預謀拐賣一名男童，隨後就同呼某搭長途車返回河南，由呼某將郭振販賣。
得知呢個消息之後，唔單止係《失孤》真人真事嘅父親郭剛堂喜極而泣，就連主演劉德華特意拍攝短片祝賀，表示自己非常開心、振奮，很佩服郭剛堂堅持，並向公安機關多年的努力致敬。
原圖嚟自網絡
評論：
共0 條評論