尋日就同史友們講到《失孤》原型真人尋子24年之後終於搵得返被拐走嘅仔,而睇見呢宗案件,阿史就諗起其實香港當年都有一宗類似嘅悲劇。

喺2000年8月24日,一名智力障礙青年庾文翰失蹤,當時年僅15歲嘅庾文翰喺油麻地同媽媽失散之後,就經調查發現佢喺無任何證件之下獨自闖過咗深圳關口。本身深圳邊境人員係將佢送到返香港,但香港嘅入境處人員又因為佢冇證件而將佢遣送返深圳,自此之後庾文翰就下落不明。

得知事件始沒之後,庾家總動員多年持續喺深圳貼告示尋子,時任特首董建華亦都向深圳市求助,深圳市亦都一度動員七千人搜救,但一直都無功而回。事後庾文翰父母入稟控告入境處及警務處疏忽,至2003年庾文翰父母與政府達成庭外和解,庾文翰父母獲賠償200萬元。

見到《失孤》真人尋子成功,庾太接受傳媒訪問就表示「為失蹤兒童家人帶來希望」,但由於自己年事已高,「就算今時今日,有人聯絡我,說在內地尋回文翰,我已經無辦法去了」,認真令人傷感。

原圖嚟自網絡