尋日介紹咗末代太監孫耀庭嘅故事，阿史就想同史友們分享一啲關於以往太監嘅事。記得讀中學個陣，有一位精通古代中國八卦事嘅中史老師，就講咗唔少太監嘅歷史，其中一樣就係關係到淨身制度嘅問題。

响清代，原來太監淨身係有一定嘅程序同規矩，其中一樣就係要搵合資格淨身師先可以淨身，即內務府慎刑司「官刀兒匠」，負責給太監閹割者稱為閹役。响清代中晚時期京城就有「私刀兒匠」出現，好似南長街會計司胡同嘅「畢五」、地安門方磚胡同「小刀劉」。而每年每季淨身人數都有一定限制，內務府有晒紀錄，唔係隨便話閹就閹。

另外，清政府係禁止民間私閹。據《大清律例》三十四刑律規定：「一敢有私自淨身者本身并下手之人處斬全家發邊遠充軍兩隣及歇家不舉首者問罪有司里老人等仍要時常訪察但有此等之徒即行捉拏送官如或容隱一體治罪。」嘩！無論被閹者、閹人個位以至屋企人都要受重罰，聽落都驚...

原圖：電影《鹿鼎記》劇照