1945年7月16日,呢一日對全個世界嘅軍事史、以至係二次世界大戰日本嘅戰局都有重大嘅改變,事關呢一日就係人類歷史上第一杖原子彈試爆嘅日子。

提起呢種咁恐怖嘅武器,就要喺1938年開始講起,當年就有兩位德國科學家奧托·哈恩、弗里茨·施特拉斯曼發現核分裂現象,而佢地亦都將呢個現象公布咗喺科學雜誌之上,結果去到1939年科學界普遍都認定原子彈係有可能整得成。

當時除咗德國之外,就有法國、美國、蘇聯、英國同埋日本都進行核子武器嘅研製。本身最有機會最先製成原子彈嘅理應係德國,但由於當時納粹德國對猶太人進行逼害,唔少出色嘅猶太科學家都走到美國避難;去到1939年8月,愛因斯坦甚至仲同幾個科學家聯名要求羅斯福盡快喺納粹德國之前研製出呢種武器,結果美國總統羅斯福正喺同年10月正式簽署研製原子彈嘅文件。

又名「曼哈頓計劃」嘅美國原子彈研製計劃喺1942年6月正式開始,直到1945年7月,美國就成功研製出三個原子彈,其中一個就喺7月16日5時29分45秒阿拉莫戈多沙漠上爆炸,成為人類史上首枚引爆嘅原子彈。

原圖嚟自網絡