提起梵高嘅畫作,相信唔少史友都會即時諗起《星夜》、《向日葵》呢啲著名作品,但其實梵高唔單止得風景畫得靚,佢仲有一系列嘅自畫像都相當特色,而呢批自畫作將會喺出年於倫敦展出!

喺出年2月3日至5月8日倫敦考陶爾德畫廊美術館(Courtauld Gallery),就將會舉行一個史上最全嘅梵高自畫像展,會展出梵高一生畫過嘅35幅自畫像當中嘅15幅。呢15幅畫作都係嚟自世界各地著名嘅機構,就好似有博物館本身有嘅《耳纏繃帶的自畫像》、藏於荷蘭阿姆斯特丹梵高博物館嘅《戴黑氈帽的自畫像》、藏於美國華盛頓國家美術館嘅《自畫像》等,連喺梵高人生最後時期聖雷米精神病院所畫嘅兩幅自畫像都有,絕對係大飽眼福。

史友們可能都會有個疑問,就係點解梵高會有咁多幅自畫像,據專家分析當中原因可能係佢缺少「模特」,於是畫自己就成為佢最方便嘅一個選項。

原圖嚟自網絡