尋日阿史就同大家介紹咗西貢公路之所以由一條泥路變成一條正規公路，全因當時英軍為咗報答西貢民眾喺淪陷期間奮勇抗敵，而今次阿史就再同大家介紹另一條公路嘅故事，呢條就係荃錦公路喇！

荃錦公路顧名思義就係連接住荃灣同埋元朗石崗之間嘅一條南北走向道路，呢條公路同時都係同錦口公路、林錦公路連接，因而得名。有行過唔過呢條公路嘅史友們可能都會發現到，荃錦公路中途跨越荃錦坳、石崗軍營、大帽山郊野公園等冇乜人嘅地方，加上有超多狹窄彎道，到底點解呢？

原來荃錦公路喺興建初時，其實係駐港英軍嘅一條軍用道路，喺上世紀50年代果時，駐港英軍為咗方便軍用車輛出入新界設置防禦工事，所以就專程喺肯亞同埋馬來半島搵嚟英國皇家工程隊發展軍事建築工程，建立呢條道路，亦係當年極少數用到機械建築嘅混凝土道路。

起初荃錦公路就只係畀軍事車輛、緊急車輛使用全段道路，而去到1955年經過多次磋商，駐港英軍先至同意移交荃錦公路予香港政府管理，並且喺1961年5月25日開放畀公眾。

原圖嚟自網絡