以前讀書個陣,經常都會讀到1937年係抗日戰爭全面爆發嘅年份,其中一個講法就話係當時國民政府最高話事人蔣介石响當年7月17日發表咗《廬山聲明》。不過,阿史都唔止聽過一次對呢個講法有保留。

1937年7月7日七七事變之後,蔣介石就响7月17日喺廬山宣佈抗戰,強調「地無分南北,年無分老幼,無論何人,皆有守土抗戰之責任,皆抱定犧牲一切之決心。我們只有犧牲到底、抗戰到底,唯有犧牲的決心,才能博得最後的勝利。」而呢次演說,就被視為中國嘅抗戰宣言。

不過,部分人對於呢個講法有保留嘅原因,其中一個就話國民政府响1937年8月14日公佈《國民政府自衛抗戰聲明書》。另一講法又話1941年太平洋戰爭爆發,美國、英國等正式向日本宣戰,國民政府就响1941年12月9日正式對日宣戰。

唔知史友們又有乜睇法呢?