尋日就同史友們介紹到人類歷史上第一枚原子彈喺阿拉莫戈多沙漠試爆，自此以後就改變咗成個二戰嘅戰局、日本嘅命運以至係成個世界嘅軍事發展。核彈嘅威力其實早喺試爆之前唔少國家都略知一二，仲爭相研究，日本都係其中一個，但就因為一個原因而中途放棄！

自從喺1938年底德國科學家發現核分裂現象之後，科學界就普遍都同意原子彈有成真嘅可能，當時自行進行研究嘅除咗有德國、法國、美國、英國同埋蘇聯之外，其實日本都有份！早喺1941年日本陸軍大臣東條英機批准空軍科技署「製造鈾彈報告」，並且喺過百個科學家領導之下執行「仁方案」，單係計執行時間，日本仲早過美國進行研究。

咁好地地又仲乜會放棄計劃呢？原來日本執行核計劃嘅時候都遇到唔少阻力，例如國內缺乏可研究嘅「鈾」，又例如日本國內嘅研究機構太過分散等等，但真正致命原因就係，對當時處於戰時嘅日本嚟講，單係進行單一嘅鈾分離工程就已經會消耗全國一成電力、半年銅產量、仲要十年時間完成所需設計，喺資源嚴重不足之下，日本就只好喺1943年放棄計劃。假如日本當年成功研製到核戰，戰局就真係唔敢想像！

原圖嚟自網絡