尋日阿史就同大家介紹咗首個考古繪圖科普展,呢個活動嘅出現全因為想紀念我國第一次依靠現代科學考古技術、方法同埋理論對仰韶遺址進行考古發掘嘅100周年。而提起中國嘅考古史,相信好多史友都會聽過一宗悲劇。

呢宗考古史上嘅一大悲劇正正就係「郭沫若定陵事件」。喺1956年,時任北京市市長吳晗同聯同郭沫若等學者以考察名義開挖長陵,之不過挖咗成年之後都一無所獲。正當佢哋打算放棄之際,又突然喺長陵西南方嘅明定陵發現塌方,於是佢哋就以炸藥強行炸開明定陵,喺定陵入面就挖掘出3,000幾件文物,好多都係萬曆皇帝同埋佢兩位皇后生前嘅用品。

本來以為呢次會係相當大嘅發現,但悲劇就係咁樣開始!郭沫若等人並冇科學考古經歷,喺佢哋徒手拎起文物嘅之前,好多文物就因為長期冇接觸過空氣,喺炸陵之前就已經化為灰燼,就連萬曆皇帝龍袍都一瞬發黑;至於其他保存到落嚟嘅文物,就被附近嘅村民取走點火、低價賤賣,就連萬曆皇帝同埋兩位皇后嘅屍骨最後都被毀。

其實喺郭沫若等人發掘初時就已經有好多考古學家反對,經過呢次悲劇之後國家就下令後世唔可以主動去挖掘皇帝陵墓,以防同類事件發生。至於郭沫若本人對於呢件事就表示「待到幽宮重啟日,延期翻案續新篇」咁話。

原圖嚟自網絡