世界三大男高音喺紫禁城舉行過音樂會？

入夜嘅北京故宮一直都畀人一種莊嚴、寂靜無聲嘅感覺，而呢個地方甚少會有商演嘅活動出現，而喺二十年前就真係有一次震驚世界嘅演出喺呢度發生。

阿史所講嘅呢次演出正正就係2001年6月23日，世界三大男高音杜鳴高（Placido Domingo）、卡里拉斯（José Carreras）同埋巴伐洛堤（Luciano Pavarotti）齊集喺北京故宮午門前嘅一次演出。

喺呢一次演出入面，喺廣闊嘅午門廣場就設立咗一個長達38米嘅巨型舞台並且齊集咗3.5萬名觀眾，四圍更加設有六個巨型屏幕，現場仲有唔少政商名流、體壇明星見證住呢三位男高音，獻唱自己嘅首本名曲就好似卡里拉斯《費德利科的悲歌》、《我知道的花園》、杜鳴高《我要讓她相信》、《星光燦爛》，巴伐洛堤《奇妙的和諧》、《格林納達》等，令到紫禁城有住唔一樣嘅夜晚。