「南水調北」為應對中國北方水資源嚴重短缺、南北水資源分布唔均衡嘅問題,中國早喺上世紀50年代開始就已經開始研究「南水調北」呢個方法。而除咗水資源原來咁樣調法之外,原來天然氣都一樣有類似嘅政策。

阿史今次想介紹嘅就係「西氣東輸」喇,所謂嘅「西氣」正係指中國新疆、青海、川渝、鄂爾多斯「四大氣區」所出產嘅天然氣,至於點解要東輸呢?喺改革開放以嚟,中國嘅能源工業雖然發展得好快,但成個能源結構煤炭比重高達72%,而且大量燃煤更令到大氣環境一斷惡化,調整能源結構就成為一個重大方向;咁多出嚟嘅天然氣又點樣算?唔少東邊省市對天然氣需求不斷擴大,於是就咁促成呢件事。

喺2002年7月4日「西氣東輸」正式動工建設,並且喺2004年12月31日就已經可以將天然氣輸往長江三角洲地區,由塔里木—上海、重慶忠縣—湖北武漢、澀寧蘭管線都逐步落成,成個工程成為橫貫中國嘅能源大動脈。

原圖嚟自網絡