講到睇考古文物嘅展覽,最緊要就當然係有件實物放喺度畀大家睇,之但係近排喺台灣就有一個講明冇原件嘅展覽舉行。

阿史所講嘅呢個展覽,正正就係號稱台灣博物館史上第一個人骨展,呢個展覽係由台灣史前文化博物館南科考古館舉行,名為「我們活過:考古人骨遺骸暨墓葬展」,按照過往嘅發現,南科考古館其實有典藏2000幾具史前人類遺骨,並且喺建館初時佢哋定立嘅目標就係舉行一個人骨展。之但係明明有原件,但呢次展覽就一件都唔展出,反而係用模型同埋複製品取代,到底當中有咩原因呢?

據台灣史前文化博物館館長王長華介紹,館方喺構思首場人骨展嘅時候,當時就諗點樣以科學分析方法一窺先民生計活動、精神信仰、社會組織之餘,又可以以尊重往生者方式展出遺骨。而館方最後就得出一個結論,就係用複製品代替遺骨,甚至仲以館內常設展原有正牌遺骨展品撤下,希望可以「向地底下的先人表達敬意」,真係估佢唔到!

原圖嚟自網絡