早幾日就同史友們講到喺北京紫禁城曾經舉行過一場由世界三大男高音同場演出嘅音樂會,當時呢場音樂會引嚟世界各地嘅政商名流,真係相當成功。而提起呢場喺紫禁城舉行嘅活動,阿史就諗起一位傳奇人物喺長城做過嘅一件事。

阿史所講嘅呢位人物,正正就係特技人柯受良。喺1992年11月15日,佢揸住自己架電單車飛越咗距離係38米闊嘅金山嶺長城,雖然佢呢次飛越嘅距離同佢以往挑戰過嘅100米碼頭、70米大峽谷係相對簡單,但當中係需要喺長100米、坡度15度嘅時助跑台上開車,再降落到只有4米闊嘅跳台之上,真係唔容易架!

咁到底點解柯受良願意咁樣搵命搏呢?據講當時其實有個英國人曾經想挑戰呢項壯舉,但柯受良就覺得長城對中國人嚟講有特徵文化象徵意義,如果要有人飛過去,第一個就一定要係中國人。於是,柯受良就係咁樣挺身而出,而呢個記錄更被列入健力士世界紀錄,真係傳奇啊!

原圖嚟自網絡