近日河南省出現大暴雨,導致鄭州市等多個地區嚴重受災,一幕一幕受災畫面令人心痛,一幕又一幕救援畫面令人感動。
見到河南省出現水災,阿史又諗起七十幾年前河南一次大水災。响1938年,鄭州東北花園口黃河大堤決堤,淹沒咗河南、安徽北部、江蘇北部40幾個縣嘅大片土地,令廣大人民群眾造成極大的災難。據統計水災導致超過80萬人死亡,過千萬人受災。
不過呢次水災就唔係因暴雨造成,而係人為。响1938年5月下旬至6月初,侵華日軍佔領咗徐州之後,就沿住隴海路西進,準備奪取鄭州,繼而進攻武漢。為咗阻止日軍推進,國民政府最高話事人蔣介石就下令炸開鄭州東北花園口黃河大堤,試圖阻止日本軍沿黃河西進。雖然花園口決堤阻延咗日軍進軍中國中部嘅速度,但就未對日軍帶來任何傷亡影響,仲令數以百萬計平民百姓受災。
原圖:網絡