「中國射擊教父」 「六朝元老」王義夫

尋日就同史友們介紹到奧運射擊項目嘅一個傳奇人物許海峰，但講開射擊其實仲有一個不得不提嘅人物，佢既被稱為「中國射擊教父」又係奧運嘅「六朝元老」，呢位傳奇人物就係王義夫喇！

王義夫係中國目前為止唯一一個參加過六屆奧運會嘅中國運動員，由1984年去到2004年間，佢喺奧運會嘅比賽入面一共就拎過2金3銀1銅合共6枚獎牌。王義夫早喺1977年就加入咗遼寧業餘體校練習射擊，並且喺兩年之後入選中國國家射擊隊。

佢第一次參加嘅奧運會就係1984年洛杉磯奧運會，佢喺50米手槍慢射項目上奪得銅牌，而同年嘅金牌其實就係許海峰；至於王義夫幾時先拎到自己第一枚奧運金牌呢？其實就係1992年西班牙巴塞隆納奧運會。而喺呢次之後，佢亦都有繼續參加1996年亞特蘭大奧運會，而喺呢次比賽入面，佢就喺決賽入面因為身體欠佳體力不支並昏倒，最後仲以0.1環劣勢惜敗。雖然係咁，但佢仍然冇放棄過佢嘅奧運生涯，喺2000年同埋2004年嘅奧運會分別就拎到亞軍同埋冠牌，真係名乎其實嘅「六朝元老」！