提起中國奧運代表隊歷年嘅強項，相信史友們都知道會係跳水、乒乓、排球等等，而田徑一向都係中國代表隊嘅弱項，但其實我國嘅奧運代表隊都出過唔少飛人架，其中一位就係亞洲飛人蘇炳添！

蘇炳添出生喺廣東中山，喺2009年佢就已經進入咗廣東省隊，並且喺兩年之後順利入埋國家隊。喺2012年嘅倫敦奧運會男子100米比賽入面，佢以小組第三嘅排名入到半決賽，係我國短跑史上第一位可以晉級奧運會男子百米半決賽嘅選手。

唔單止咁，佢仲係男子100米、男子室內60米2項亞洲紀錄保持者，10秒呢個時候一直都被認為係黃種人百米嘅極限，而呢位「跑得最快嘅亞洲人」就一次又一次打破呢個記錄，甚至仲試過喺國際田聯馬德里挑戰賽以9秒91奪冠，佢甚至仲多次表示，相信亞洲人係可以跑入9秒85。即使蘇炳添今年已經32歲，但佢仍然相信自己可以跑得更快，而呢一次係佢第三屆奧運會，真係期待佢嘅表現啊！

原圖嚟自網絡