近排河南省就接連多日受到暴雨侵襲,當中就以鄭州市嘅水災最為嚴重,已經造成多人傷亡。而喺呢次無情嘅暴雨當中,竟然為考古學帶嚟一啲新發現!

呢場暴雨意外咁令到新鄭古城村一條道路坍塌,而經過雨水沖洗之後,就有村民途經呢條路果陣發現到帶有花紋嘅石塊同埋陶器,而消息曝光之後就有考古專家去到現場勘測,發現道路之下掩埋嘅竟然係一座漢代古墓。目前為止現場就已經被封閉,具體細節仲需要考古人員進一步考察先知。

唔少網友知道呢個消息都表示覺得好驚喜,有網友就表示「河南伸手一摸就是春秋文化,兩腳一踩就是秦磚漢瓦」,亦有人擔心「希望文物沒有被沖壞」,更加有網友神留言表示「墓主人死後投胎後也不知道,未來千年後自己的墓竟然因為一場暴雨...」無論點都好,阿史就希望呢場雨可以快啲停,咁先可以保護到當地嘅人同文物。

原圖嚟自網絡