香港劍手張家朗喺剛才嘅東京奧運男子花劍決賽以15:11擊敗衞冕嘅意大利劍手加路素,勇奪香港史上首面奧運劍擊金牌。而唔經唔覺,原來香港對上一次獲得奧運金牌已經係繼1996年「風之后」李麗珊之後嘅第25年。
本身係長洲原居民嘅李麗珊,年幼時受到舅父黎根指導下練習滑浪風帆,並且以17歲之齡開始參加比賽,喺19歲成為港隊成員。佢第一次參加奧運係喺1992年,但就因為缺乏經驗及狀態不穩,最終以第11名完成賽事。呢次經驗令到佢識得點樣繼續進步,喺1996年佢就參加1996 年第26 屆亞特蘭大奧運會,佢喺前六輪比賽中未曾跌出前四名,甚至喺尾二嘅第八輪就已經成功拎到第一名,實力真係超晒班!
唔經唔覺,事隔25年港隊再次奪金,真係恭喜晒家朗啊!
原圖嚟自網絡