近呢幾日相信係全港最開心嘅日子，事關無論係喺劍擊定係游泳項目入面，我哋嘅運動員都打破港隊歷史，甚至仲喺同一年嘅奧運會入面拎到獎牌，真係史無前例。而講起奧運嘅獎牌，就真係不得不提當年嘅今日！

喺1996年7月29日，我哋嘅「風之后」李麗珊就喺美國亞特蘭大奧運會上為港實現「零的突破」，憑滑浪風帆奪得香港歷史第一金，奪得香港歷史上首面奧運會獎牌，真係不得了！

其實1996年係奧運嘅一百周年，當年香港一共有二十三個運動員喺九個項目分別比賽，而當時其實李麗珊就已經被視為係獎牌希望。當年女子滑浪風帆賽事就有二十七位選手爭奪獎項，但比賽就因為惡劣天氣由十一場縮減到九場，李麗珊前六場從未跌出前四名，最終喺第八場奪得第一名後鎖定冠軍，事後更加激動講出「香港運動員唔係垃圾」，而呢句說話今年就有更加多運動員親身證明！

原圖嚟自網絡