最美奧運冠軍 彈床公主何雯娜

國家隊彈床選手朱雪瑩响今屆東京奧運贏得金牌，唔單止為國家隊爭添一面金牌，仲係十三年後中國再奪彈床（即蹦床）項目金牌，而朱雪瑩亦被譽為新彈床公主。咁....上任彈床公主又係邊位呢？

相信睇過2008年北京奧運會嘅朋友，都應該記得個屆嘅彈床冠軍何雯娜。何雯娜出生於1989年，最初係學習體操，後嚟轉咗去跳彈床。2007年進入國家隊，响2008年5月蹦床世界杯日本站比賽中，獲得女子網上單人項目金牌。而佢响當年北京奧運會上，更是以37.80分為中國蹦床隊奪得金牌，亦係中國蹦床奧運上首枚金牌。何雯娜呢面彈床項目金牌，令佢贏得彈床公主美譽。

唔少人對何雯娜嘅印象，除咗係彈床冠軍，仲係顏值超高嘅美少女，當年更被網民封為「最美奧運冠軍」。不過，佢當年嚟香港個陣就講過，希望大家唔係淨係記得佢個樣，更希望大家關注中國蹦床隊嘅表現。