中國男子舉重運動員 「戰就剛」占旭剛

喺今次嘅東奧入面，我國嘅健兒就喺舉重項目拎到多達5面金牌，成績真係犀利到嚇死人。中國嘅舉重運動員犀利就已經唔係一朝一夕嘅事，提起舉重隊阿史就即時諗起呢位傳奇人物。

阿史所講嘅呢位人物就係有「戰就剛」之稱嘅占旭剛。占旭剛早喺1987年就加入咗浙江省舉重隊並且喺1994年就入選咗國家舉重隊。喺入選國家隊冇幾耐，佢就參加咗1996年亞特蘭大奧運會70公斤級舉重比賽，當年佢以打破抓舉、挺舉總成績嘅世界紀錄獲得冠軍。而喺四年之後嘅奧運會，因為70公斤嘅比賽被取消，佢就轉為參加77公斤級比賽，並且喺挺舉比賽舉起咗從未試過嘅207.5公斤，躍居第一成為冠軍。而當佢發現自己成功嘅一刻，振臂高呼嘅慶祝動作深深刻劃喺唔少人嘅腦海入面。

而去到2001年之後，占旭剛狀態開始下滑並且宣佈退役，雖然後來一度復出，但狀態都係大不如此只好結束運動生涯，而佢其實仍然係無可取代，事關佢係中國奧運史上連續兩屆獲得舉重冠軍嘅第一人。