由高低槓失誤0分到奧運平衡木金牌 「璇美人」劉璇

喺早前東京奧運嘅體操團體賽入面，國家隊嘅盧玉菲就喺高低槓項目入面出現巨大失誤，直接由高低杠上面跌咗落嚟。盧玉菲本身就係全能嘅冠軍，出現呢次失誤唔多唔少對信心都會有啲影響，而近排就有唔少網民提起早年嘅一位體操名將嘅經歷，希望可以鼓勵到佢。

阿史所講嘅呢位名將，就係有「璇美人」之稱嘅劉璇喇！劉璇早喺6歲嘅時候就已經學習體操，並且以13歲之齡進入國家隊，而佢好快亦都喺全國賽、1994年在廣島亞運會、世界錦標賽入面拎到金牌、銀牌。

而提到佢最經典嘅一場比賽，當然就係亞特蘭大奧運，佢因為喺高低槓項目入面失誤墮地得0分，令到當時中國隊只係得第四名收場，呢次失誤當時為人所熟悉。而喺四年之後嘅奧運，佢先至憑女子平衡木項目贏得金牌，吐一口烏氣。