就喺剛才,我哋嘅香港奧運代表隊又再創下歷史,港隊女子乒乓球隊拎到史上首面奧運獎牌!

繼今次港隊女乒歷史性殺入銅牌戰之後,港隊就迎嚟世界排名第三、上屆亞軍德國。其實早喺上屆里約奧運女子團隊賽果陣,港隊女乒就已經8強硬撼德國,但最終就以場數1:3告負。而呢一次比賽,德國隊就選擇原班人馬上陣,港隊就變陣,三名出戰選手都是土生土長的,雖然李皓晴/杜凱琹喺首場女雙失利,但團體賽出戰單打嘅蘇慧音表現出色,連贏2場單打,最後加上杜凱琹拿下1分,協助港隊以總場數3:1反勝德國,首次勇奪奧運銅牌,真係恭喜晒呢班運動員啊!

原圖嚟自電視截圖