山竹襲港杏花邨變澤國

呢排天氣不時落大雨，阿史屋企樓下仲有時出現水浸情況。班物管阿叔就相當緊張，因為幾年前颱風吹襲個陣，條邨水浸情況好嚴重，可能見過鬼都怕黑。

幾年前嘅颱風，就係2018年山竹襲港一事。山竹呢個颱風係一個超級颱風，當個風仲係响香港400公黑範圍附近個陣，香港天文台已經掛起八號風球，到200公里附近時已經掛起十號風球。山竹襲港期間，為香港帶來狂風暴雨，好多地方都出現嚴重水浸。當時港島東區嘅杏花邨因為出現海水倒灌，導致全邨多個地方被淹浸變成澤國，當中成個地下停車場浸晒，水位去到地面出口位置。呢個畫面今時今日睇返都相當震撼！

講返轉頭，山竹襲港好多臨海屋苑都受到相當破壞，好多物管公司都俾山竹呢個風搞到雞毛鴨血。