今次東京奧運中國隊嘅表現真係相當出色，除咗獎牌數目不斷增加之外，奧運會嘅記錄都係不斷被打破，而今晚女子標槍決賽入面，中國隊劉詩穎就奪得歷來我國首面女子標槍金牌。

喺今晚嘅賽事入面，劉詩穎首擲即擲出66米34，創下咗佢個人賽季最佳成績。呢位選手早喺13歲嘅時候就開始玩標槍，直到2017年先至喺世界田徑挑戰賽日本站出賽，而當時佢就投出66米47，即時打破亞洲紀錄一鳴驚人。而喺今次奧運會入面，佢嘅表現依然都係咁出色，佢嘅教練郭慶仙喺出發之前就講過咁嘅一句說話「東京奧運會，我們就要奔著金牌去」。就係今晚，劉詩穎夢想成真喇！

原圖嚟自網絡