《清明上河圖》大家就見唔少，麵塑人像亦都唔係咩新鮮事物，之但係如果兩者結合起嚟，唔知大家又有冇想像過呢？

近排遼寧瀋陽就有一個手工藝人，以傳統嘅麵塑技巧，將接近100公斤嘅麵粉整成一幅長達6米嘅《清明上河圖》，如果大家見到幅作品應該都會覺得壯觀。事關當中每一個人嘅表情、神態、特點都畀呢位手工藝人一一塑造出嚟。呢位神人就表示，喺佢創作之前，佢就需要先了解成個故事，而呢次作品由於係由平面變成立體，就有唔少空間感嘅問題需要處理，中間經過無數次改動，而唔少部分都係跟足原本畫作，真係神乎其技。而被問到點解會作出呢項挑戰，佢就表示希望通過咁令到呢門手藝得以傳承，真係有心機啊！

原圖嚟自網絡