澳門點解無參加奧運？

東京奧運會曲終人散，嚟緊就會舉行東京殘奧會，史友們記得繼續支持港隊健兒！

响今屆奧運，港隊可以話好鬼勁，有金有銀又有銅。香港咁威，但大家有無發現澳門係無派員參加奧運會，同樣都係中國嘅特區，點解香港派隊澳門就無呢？

其實呢個同澳門選手達唔達標係冇關係，而係澳門並唔係國際奧委會成員。澳門奧委會响1987年成立，之後就申請並成功加入亞奧理事會，但係加入國際奧委會就被拒絕。到咗1996年，國際奧委會修改章程，唔再接受非主權國家嘅申請，就係咁澳門就無辦法組隊參加奧運。至於香港，由於香港業餘體育協會暨奧林匹克委員會（港協）早响1951年就獲國際奧委會接納為正式會員，所以呢個資格响回歸後獲國際奧委會繼續承認。