世界慰安婦紀念日 她們仍在等待一聲道歉

近日有內地藝人跟靖國神社合照嘅風波引發全國公憤。講起日本侵略戰爭，唔可以唔提每年嘅8月14日，對世界曾經受過戰爭苦難嘅女性而言，都係極之傷感嘅一日，事關今日係世界慰安婦紀念日30週年。

呢個日子得以設立並唔係無原因，而係全靠一班前人爭取。喺1991年8月14日，已故嘅慰安婦受害人金學順就首次向媒體公開證詞，揭發日軍強徵「慰安婦」嘅事實，並要求日本政府道歉和賠償。由於受到金學順老人嘅觸動，其他受害人都紛紛鼓起勇氣講出事實，先至令到呢啲歷史事件無被埋沒。喺1931年到1945年，侵華日軍强徵20幾萬中國婦女做慰安婦，佢哋當中有人被毆打強姦，更多人受虐而死。而呢段歷史一直都一直冇得到日本方面正視。

為咗紀念韓國「慰安婦」，受害者金學順就作為當年受到日軍強擄為慰安婦嘅少女當中挺身而出，甚至仲到東京地方裁判所提起訴訟，亦都證實到成個慰安婦制度嘅存在。每年嘅8月14日就正式被定為國際慰安婦紀念日，但佢哋仍然等待緊一個道歉。