持續年幾嘅新冠病毒疫情搞到唔少香港人都無得返去內地，香港人去深圳吃喝玩樂嘅日子可能要等多陣先再出現。講起從香港去深圳，唔少人都會選擇坐東鐵去羅湖或許落馬州過關，咁史友們又記唔記得坐東鐵去落馬州過關係幾時開始嘅事呢？

答案就係14年前嘅今日喇！响2007年8月15日，落馬洲支線正式開通，呢條支線係東鐵線嘅分支，由上水延伸至位於落馬洲新建嘅過境通道。乘客响落馬洲站落車後就可以跨越深圳河上嘅人行通道橋，行去福田口岸過關。落馬洲支線開通後，福田區就變得更加旺，因為唔少香港人都選擇搭東鐵去落馬州，再過關去深圳。

原圖：thb.gov.hk