近排阿富汗嘅戰況有唔少新發展，塔利班武裝部隊進入喀布爾，阿富汗局勢已經變天。而呢幾日美國甚至要出兵撤走使館人員，佢哋唔願意回憶起嘅「西貢時刻」亦都重現喇！
相信唔少有返咁上下年紀嘅史友應該都聽過「西貢時刻」，即係指1975年4月南越首都西貢喺被攻陷前夕，美國政府喺最後嘅呢個時刻所進行嘅史上最大規模直升機疏散行動。喺呢一次行動當中，就有超過7000名喺越南居住嘅美國同埋第三國公民被帶走。當時直升機喺大使館屋頂慌忙撤走人員嘅畫面流傳多年，成為美軍敗走嘅象徵。
其實早喺幾個月前，美國社會就已經討論緊阿富汗會唔會重演「西貢時刻」，仲諗盡辦法想去避免，但就估唔到美國最唔想發生嘅事始終都出現咗。
原圖嚟自網絡
評論：
共0 條評論