為咗推廣閱讀風氣,世界各地嘅政府、書商都出盡奇招,有啲就會搵明星、著名作者賣廣告,有啲就會大推優惠折扣,至於以下嘅呢一招可能大家諗都冇諗過!

喺俄羅斯聖彼德堡名為Podpisnie Izdaniya嘅百年書店歷年嚟都用盡方法推廣閱讀風氣,由早年為每月為訂戶郵寄書本、再去到近年以社交平台instagram宣傳書籍,呢啲方法佢哋全部都有嘗試,而近排呢間書店又有新搞作!以往大家買書打卡都會單純咁為本書影相再加幾十字嘅簡介,但呢間書店嘅員工就專程為書籍度身訂造搭建場景作為主題拍攝,目的就係為咗令每本書嘅宣傳照獨一無二。

呢批宣傳照主要就分成兩個方向,除咗會重拍返書籍嘅封面,仲會重演返書內嘅情節,由生活環境建築、場景去到物品等等嘅細節都一一重構,就咁睇到呢啲心機之作,阿史都即時去買返本書睇下!

原圖嚟自網絡