河南衛視繼早前推出《洛神水賦》水下舞而大受全國觀眾好評之後,近排佢哋又再次有新搞作!今次河南衛視就推出《七夕奇妙遊》,喺呢個節目開頭就有一場古風舞蹈表演,名為《龍門金剛》。

《龍門金剛》就即係將「金鋼」同埋「飛天仙女」兩個場景結合,利用AR技術將古跡龍門石窟設置做背景,令到一場古風舞蹈正式展開。相信唔少史友都知道,位於河南洛陽嘅龍門石窟,係世界上造像最多、規模最大石刻群,同時都被聯合國教科文組織評為「中國石刻藝術的最高峰」,所以要以AR技術重新投現到呢個場景真係唔容易。

而據《七夕奇妙遊》導演路紅莉表示,佢之所以選擇喺龍門石窟進行拍攝,係因為佢覺得龍門石窟係重要嘅文化財產,所以想用藝術嘅形式表達佢深層次嘅文化內涵,喺表演當中亦都有龍門樂伎、飛天同埋龍門金剛大力士的嘅藝術形象同時出現。呢個節目喺一周內收穫超過1000萬次累計觀看量,能夠有一個電影台可以通過文化產業獲得全國好評,阿史真心畀個Like你啊!

原圖嚟自網絡