形容他人以做好事嘅名義,實際上做住名不乎實嘅事,呢個時候大家都會用「掛羊頭賣狗肉」嚟形容,但呢句說話又點會誕生出咁樣嘅意思呢?咁就要介紹下其中一個講法,呢個講法係同齊國以及女扮男裝嘅後宮有關!

相傳喺春秋時期嘅齊國,當時嘅女人都好流行穿著男裝,但咁樣就為成個國家嘅風氣同埋運作帶嚟好大嘅麻煩。於是,當時齊國君主齊靈公就下令民間禁止女穿男服,但宮內就唔受影響。雖然係君主嘅聖旨推出,但實際上民間呢種風氣都冇得到好大嘅改善。得知原因嘅齊國大夫晏子就為齊靈公勸道,指出佢兩套不同規矩其實就係無異於喺店鋪門前掛住羊頭賣狗似,民眾就只會爭相仿傚但唔會遵從。

聽完呢個故事後,齊靈公最終就下旨要求宮內嘅人都唔可以再「女穿男裝」,結果不足一個月,「女穿男裝」嘅現象就得到大大改善。

原圖嚟自網絡