响香港做運動員,好多時付出嘅血汗係其他人難以想像,亦因為以往有咁多香港運動員努力不懈,為後來者開咗條路,可以行得更遠,許長國就係當中一人。

响香港保齡球運動史上除咗車菊紅,就一定會提到許長國同胡兆康。許長國係香港著名保齡球手,响九十年代初加入港隊,但個陣佢曾因經濟問題曾經想退出港隊,但捱過一段艱難時期之後,佢响1998年亞運奪得金牌。响2001年4月,許長國再下一城,於阿聯酋舉行嘅世界保齡球大師賽奪得冠軍同榮登世界排名第一,5月响東亞運動會就拍住胡兆康勇奪男雙金牌。响2002年,呢位港產世界冠軍就退役。

可惜嘅係,許長國响2003年因病逝,終年41歲。當年體院就响泳池對出一塊草地種咗一棵樹,以紀念呢位一代保齡球精英。

原圖嚟自網絡