喺初秋時分,習近平總書記就開展今年第九次嘅國內考察之旅,今次佢嘅目的地就係河北!咁一場去到河北到底有咩睇呢?原來就係去到成個河北省最北部嘅塞罕壩機械林場、承德避暑山莊、承德博物館等地方,瞭解當地嘅歷史文化以及近年嘅林場建設。

提起成程河北之旅,有一個地方就一定要介紹,呢個就係木蘭圍場,佢嘅歷史一啲都唔簡單!木蘭圍場係清朝皇家獵場,喺清初到康熙時期,「木蘭圍場」係包括河北省承德市圍場縣全境、隆化縣、豐寧縣同埋內蒙古自治區多倫縣、克什克騰旗部分,規模相當之大。「木蘭」喺滿州話係解作「哨鹿」,早年係有官方嘅軍隊駐守,但去到清朝中晚期就因為內憂外患,令到唔少外地移民居住喺度,所以後來就有「圍場廳」出現喇。之但係,由於呢個地方由同治年間起開圍放墾,令到大片鬆林幾乎蕩然無存,甚至仲出現幾十萬畝荒山禿嶺,要回復原狀真係唔容易。

歷史嘅教訓相當深刻,呢片解做「美麗的高嶺」嘅地方喺上世紀六十年代都仍然係受到山火、掠奪性採伐而變到流沙遍地,草木稀疏。咁點解今時今日又會變成充滿林木嘅仙境呢?原來因為咁片土地嘅沙漠化,令到180公里外嘅北京都受到沙塵影響,結果喺1962年,國家國家林業部決定喺塞罕壩建立大型機械林場。經過幾代人嘅奮鬥,塞罕壩誕生咗世界上面積最大嘅人工林海。

原圖嚟自網絡