「陸榮廷睇相」係咩意思？

繼續同史友們介紹廣府話俗語，「睇相」呢類同風水玄學相關嘅活動相信唔少史友都曾經做過，準定唔準大家都可能自有睇法。之但係如果有個人去睇相，睇到後世都話佢「唔衰攞嚟衰」，唔知大家又會點睇呢？

阿史所講嘅呢位人物，之唔係陸榮廷！咁史友可能會問陸榮廷係乜嘢人，點解會衰到有呢句說話出現呢？佢其實係民國成立初期廣東省嘅軍閥，相傳佢有一日想去街邊睇相，但又怕相士知佢係達官貴人而唔講真話，於是佢就打扮成窮人，爛身爛世咁去睇相。

而當個相士見到佢咁嘅身世，就好唔客氣咁話佢呢世都唔會有運行。而經過相士呢句說話，唔知係咪真係咁靈咁準，陸榮廷幾年後真係冇晒權勢，最後仲鬱鬱而終。有咗佢咁嘅經歷，後世人就以「陸榮廷睇相」，話啲人唔衰攞嚟衰。