近排東京殘疾人奧林匹克運動會就進行得如火如荼，各國嘅健兒雖然都係拖住殘缺嘅身體，但就向世人展示出無比堅強嘅意志。咁提起呢場值得令世人尊重嘅運動會，相信大家可能都會有一個問題，就係到底應該點叫呢場運動會呢？

如果史友們有留意，應該都會發現唔同媒體主要就有兩個叫法，分別叫做「殘奧」同埋「帕奧」，到底邊種叫法先至岩呢？其實喺呢個問題上並冇對錯之分，事關喺亞洲唔少國家都將呢運動會翻譯做「殘疾人奧林匹克運動會」，簡稱做「殘奧」，但其實關於呢場奧運仲有另一個名，就係「帕拉林匹克運動會」。兩個中文翻譯都係嚟自一個詞Paralympics，呢個詞係將paraplegic（下半身不遂者）」同埋「Olympic」兩字合體，達成「平行於奧運運動會」呢個意思。

咁所以無論係「殘奧」定係「帕奧」意思上都冇錯，只係一種譯法就偏向「殘疾」嘅意思，而另一種譯法就偏向「平行」。

原圖嚟自網絡