繼續同史友們介紹近代中國嘅傳奇人物，今次就想同大家講下兩彈元勳郭永懷。提起呢個人名，相信史友們都會知道佢係中國流體力學家，年輕嘅時侯就係北京大學物理系轉學生，1939年考到中英庚子賠款出國留學名額出國讀書，師從空氣動力學權威西奧多·馮·卡門，最後仲喺加州理工學院完成博士學位。

認識郭永懷嘅史友可能都知道佢係同錢學森師出同門，佢甚至仲喺美國生活接近十年，有過唔少研究心血。早喺佢回國之前，佢就得知錢學森被無理刁難長達五年嘅經歷，咁點解佢後來依然決定咁做呢？原來佢當佢因為空氣動力學嘅成就而出名之後，佢就感歎自己嘅國家當時好貧窮，而佢認為國家貧窮係因為「兒子無能」，所以佢認為自己有責任返到中國建設。

直到1955年，中美大使級會談喺日內瓦舉行，美國終於允許中國學者同埋留學生離開；到咗1956年，當時已經身為中國科學院力學研究所所長嘅錢學森就寫信畀郭永懷表示已經將佢大名畀咗科學院管理處，並且稱讚佢嘅能力抵得「上十個師」。

郭永懷睇到呢封信之後，就決心要返到中國建設。而為咗可以做到呢件事，佢不惜將十幾年來科研資料同埋書稿當眾焚燒，以防落入美國人手上。自此之後，佢就隱姓埋名為「兩彈一星」效命，而關於佢嘅死仲有另一段故事，阿史留返下篇同大家再介紹。

原圖嚟自網絡