喺形容人忘恩負義、「食碗面反碗底」嘅時候,大家經常都會用到「反骨」呢個詞。雖然「反骨」呢個詞聽落好似有少少粗俗,但原來都叫做係引經據典,係用嚟形容人嘅骨相,今次阿史就同大家介紹下啦!

可能大家諗都冇諗到,其實呢個詞係同《三國演義》其中一回有關!喺《三國演義》入面就出過一個詞叫做「天生反骨」,係諸葛亮用嚟形容魏延。咁呢句說話又係出現喺幾時呢?原來喺劉備收復荊南四郡,關羽引薦魏延嘅時候,諸葛亮就已經想下令刀斧手斬殺魏延,當時就講到一句「吾觀魏延腦後有反骨,久後必反,故先斬之,以絕禍根」,雖然喺劉備阻止下冇成功到,但當時魏延已經背上「反骨」之名。

後來諸葛亮已經五十幾歲,身體仲愈嚟愈差,已經安排身邊將領處理佢死後嘅事。其中有一項佢特別交代嘅,就係當佢死後大軍就要由楊儀、費禕統領之下撤退,並且由魏延、姜維負責斷後,但假如魏延唔同意呢個安排,馬岱就馬上可以斬殺魏延。結果亦都係跟住劇本走,「反骨」自此就同叛逆扯上關係。

原圖嚟自網絡