中國殘奧第一金——平亞麗

東京殘疾人奧運會進行得如火如荼，各國嘅健兒都出盡渾身解數，向世界展示堅強嘅意志同埋體育精神。而提起我國參加曾經參加過殘奧嘅健兒，當然要同大家介紹中國殘奧第一金平亞麗。

平亞麗係視障運動員，佢出生喺1961年北京嘅一個普通家庭，佢出世冇耐就被驗出患有先天性白內障，視力差到幾乎睇唔到事物。喺佢12歲果年，佢父母就將佢送到盲人學校，希望可以等佢學到一技之長，喺呢段時間佢就被老師發現佢有田徑方面嘅天才，於是就將佢推薦畀殘疾人嘅運動教練。

平亞麗就係咁樣成為新中國第一批殘疾運動員，專門接受短跑同埋跳遠訓練。雖然係第一批，但上世紀嘅社會對於殘疾運動員嘅幫助並唔多，平亞麗甚至係需要早上到工廠做學徒，晚上到運動場所訓練，生活一啲都唔容易。