對全國人民嚟講,今日都係一個值得我哋嚴肅對待嘅日子,事關第八批在韓中國人民志願軍烈士遺骸就喺今日返到我哋嘅祖國。

由2014年到2020年韓方就已經連續七年向中方移交716位中國人民志願軍烈士遺骸。據報道,早喺尋日嘅上午韓方就已經為第八批韓中國人民志願軍烈士遺骸舉行裝殮儀式, 中國退役軍人事務部以及外交部、中央軍委政治工作部等單位嘅代表都有同韓國國防部同埋遺骸發掘鑒定團人員等一同參加。據韓方嘅遺骸挖掘團負責人介紹,喺2019年至2020年間,韓國軍隊就喺漣川、鐵原、華川、洪川、義王和朝韓非軍事區等六個地區發掘出109具中國人民志願軍遺骸,以及1226件相關遺物。

消息一公佈之後,全國就有唔少媒體發起「送烈士回家」網路活動,牽動唔少人心。而每次有烈士遺骸回國都會面對一個問題,就係證實唔到佢哋身份、搵唔返佢嘅親屬。而呢次有4位烈士正式確認搵到親屬,佢哋分別是:梁佰有烈士、展志忠烈士、吳雄奎烈士、林水實烈士,能夠做到呢個地步真係相當難得!

當年呢班烈士出國門保家衛國,今日中國盛世就迎接英雄回家!

原圖嚟自網絡