近排內地網絡上就瘋傳一輯相片,就咁睇圖可能唔少史友都未必認得出呢座寺廟係位於峨眉山上嘅光明寺,甚至仲有網友認為呢座建築同日本奈良東大寺好相似,到底係光明寺似東大寺,定係東大寺似光明寺呢?阿史今次就同大家講一講啦!

位於峨眉山上嘅光明寺係峨眉山佛教重要嘅禪修中心,始建於唐宋年間,喺2010年先至恢復重建,歷時六年先建成依家大家睇到嘅寺廟。既然係唐宋年間嘅建築,自然就係用咗唐代風格建設,整體相當簡潔清新。而且喺殿內仲有畀僧人勞作專用嘅水田,重現返唐代佛教道場農禪並重嘅禪風。

咁問題嚟喇,就係點解有網友認為呢座光明寺同日本日本奈良東大寺相似呢?其實呢個真係一大誤解,雖然光明寺正殿同東大寺嘅大佛殿「好似樣」,但其實兩者都係沿用唐代嘅建築風格,東大寺更加係直接參照咗唐朝建築而興建。所以,與其話光明寺似東大寺,不如話係東大寺沿用漢唐風格好過啦!

原圖嚟自網絡