1945年9月2日，二戰時期最後一個法西斯軸心國日本嘅代表簽署投降書，第二次世界大戰亦正式結束。
响76年前嘅今日，日本新任外相重光葵、陸軍參謀長梅津美治郎一共11人嘅日本投降代表團，登上停泊於日本東京灣嘅美國軍艦「密蘇里號」，重光葵代表日本天皇同政府、陸軍參謀總長梅津美治郎代表日本軍方响投降書上簽字。當時嚟自美國、蘇聯、中國、法國等10個代表同盟參與簽字儀式，代表中國嘅就係徐永昌將軍。
日本代表簽署投降書，代表三個法西斯軸心國中最後一個國家日本正式投降，第二次世界大戰就以法西斯軸心國嘅失敗同埋反法西斯同盟國嘅勝利而告結束。