尋日係「時代精神耀香江」之仰望星空話天宮——中國空間站系統建設座談會舉行嘅日子，會上除咗有三名國家航天員聶海勝、劉伯明、湯洪波喺天宮空間站同香港青少年實時連線交流、帶香港市民參觀空間站天和核心艙並回答多個問題之外，大會仲搵嚟我國首位航天員楊利偉同大家傾下計。

楊利偉喺交流期間，就提到自己自細夢想就係想成為一個飛行員，所以佢喺18歲高考之後就入到飛行學院。而當佢真正成為飛行員之後，佢就發現自己對航天有好大興趣，而咁岩當時國家就正式啟動載人航天工程，所以佢就將自己熱愛嘅事同埋國家嘅需要結合埋一齊，自己就慢慢進入航天事業。

楊利偉其實唔係第一次同香港青年學生交流，佢由神舟五號到神舟十二號期間就多次嚟過香港，每天都為市民介紹唔少任務入面嘅工作同埋生活場景。佢特別提到佢自認「最酷的時刻」，原來唔係著起航天員服裝果陣，而係喺太空拎住國旗向全球華人問好果一刻啊！

原圖嚟自網絡