2016年牛頭角淘大工業村時昌迷你倉發生四級大火,呢場燒足108個鐘嘅大火最終奪去兩個消防員嘅生命,而近日死因庭就住案件展開為期約四十日嘅研訊。

呢宗火災發生喺2016年6月21日牛頭角道7號淘大工業村第一座時昌迷你倉,據事後搜證推測,大火嘅起因係由3樓走廊一部分分體式冷氣機漏電引起,而火舌就由走廊頂嘅通風位飄入倉庫,令到時昌迷你倉首先起火,繼而倉庫內雜物燃燒,蔓延至其他倉庫造成連環大火。

呢場恐怖火災焚燒歷時108小時,超越1970年焚燒約72小時嘅葵涌盈豐酒房工業大廈5級大火,而不幸地事故令到高級消防隊長張耀升、消防隊目許志傑不幸殉職。

原圖嚟自網絡