抗戰勝利紀念日更改過？

9月3日，係中國人民抗日戰爭勝利紀念日，以紀念中國人民响抗日戰爭中取得最後勝利。咁唔知史友們又知唔知道，曾經有段時間，抗戰勝利紀念日唔係訂响9月3日呢？

响1945年9月2日，日本代表簽署投降書，正式响盟軍投降。當時國民政府就响1945年9月3日起舉國慶祝三日，並於1946年將9月3日作為抗戰勝利紀念日。而响1949年新中國成立之後，政務院就响當年12月23日所公布《全國年節和紀念日放假辦法》，當中就訂咗8月15日為抗日戰爭勝利日。但到咗1951年8月13日，政務院又發佈通告，將抗戰勝利紀念日改為9月3日。當時通告係咁講：「本院在1949年12月23日所公布的統一全國年節和紀念日放假辦法中，曾以8月15日為抗日戰爭勝利日。查日本實行投降，是在1945年9月2日日本政府簽字於投降條約以後。故抗日戰爭勝利紀念日應改定為9月3日。」

其實唔少人都唔係太明日本投降到底係8月15日定係9月2日，簡單而言8月15日係日本宣佈無條件投降，而9月2日簽投降書就白紙黑字書面作實。