提起啤酒，相信大部分人都覺得會係西方嘅最先產物，之但係有考古學家近排就喺浙江義烏橋頭遺址嘅一個墓莽發現有古代南方人9000年前飲用啤酒嘅證據！

據美國《公共科學圖書館·綜合》（PLOS ONE）雜誌研究文章《中國南方一個有9000年曆史的平台堆中有飲用啤酒的早期證據》表示，喺橋頭遺址發現嘅古代陶器入面，就有唔少飲酒容器，而考古學家就對7件類似歷史後期用嚟飲酒長頸胡罐進行化驗，結果就喺容器底部搵到澱粉、植矽石（植物化石）、真菌等微化石殘留物。

呢啲發現除咗可以證明呢啲容器曾經被用作飲酒之外，仲可以證明到其實係用過嚟裝「啤酒」，呢度所指嘅「啤酒」其實就係由大米、薏米同埋塊莖製成嘅發酵飲料。雖然呢種「啤酒」同現代嘅啤酒有啲唔同，但呢度都算係世界上最早飲用啤酒嘅地方。

原圖嚟自網絡